Eftir þrotlausan próflestur í heila viku, kvölds og morgna, tvo bekkleiki og 9 tíma fyrirlestra ákvað frúin að sofa út í morgun - eða það var að minnsta kosti stefnan þar til herrann setti Íslandsmet í snúsi (fyrir þá sem ekki vita þýðir það að ýta á vekjaraklukkuna oft þannig að hún hringi aftur og aftur og aftur og aftur).
Þegar frúnni hafði loks lukkast að koma herranum út, tók við skammvinn sæla því á slaginu 9.03 hringdi mesta frekja sem ég hef á ævinni komist í kynni við.

Frekjan: Góðan dag. Ertu búin að fá Fréttablaðið og Hagkaupsbæklinginn sem fylgdi með honum í morgun?
Ég: (Slef) hmmmffff...?
Frekjan: Fréttablaðið, fékkstu það sent í morgun?
Ég: (Geisp) Það veit ég ekki, ég var að vakna.
Frekjan: Og þú ert ekkert búin að ná í blaðið?
Ég: Nei, þú varst að vekja mig! (þarna var ég orðin mjög æst)
Frekjan: Geturðu nokkuð tékkað á því?
Ég: NEI! (ákaflega hneyksluð í röddinni, enda ekki klædd til að birtas á almannafæri)
Frekjan: Ókey, bless.
Ég: (skelli á)

Ákaflega vont að vakna svona - alveg til að eyðileggja fyrir mér daginn....

Já.... nú erum við bara komin með breiðbandið, sem er mjög gott fyrir litla herra sem vilja skoða klám. Tekur mun skemmri tíma með svona breiðbandi!

Annars er próf í næstu viku - próf í How to take money from people that don´t have any. Mjög spennó...

Í kvöld var kíkt í ammæli til golfarans - 25 ára gamall kallinn. Herrann var auðvitað meðferðis, enda bauð frúin upp á fínan kvöldverð áður á flottasta pizzastað bæjarins.
Einnig létum við sjá okkur saman á listakynningu. Gestur er á lista. Það er vænlegt. Líka Litli-Dagur, sem er mjög lítill.

Annars er slátrun á morgun svo það er best að leggjast á það græna sem fyrst. Gott að hvílast fyrir slík átök.