Þegar allt virðist ómögulegt og straumurinn þér í mót, er lítið annað að gera en taka því sem að höndum ber af æðruleysi. Í því skyni er gott að hafa í huga geðorðin 10.

1. Hugsaðu jákvætt það er léttara.
2. Hlúðu að því sem þér þykir vænst um.
3. Haltu áfram að læra svo lengi sem þú lifir.
4. Lærðu af mistökum þínum.
5. Hreyfðu þig daglega það léttir lundina.
6. Flæktu ekki líf þitt að óþörfu.
7. Reyndu að skilja og hvetja aðra í kringum þig.
8. Gefstu ekki upp, velgengni í lífinu er langhlaup.
9. Finndu og ræktaðu hæfileika þína.
10. Settu þér markmið og láttu drauma þína rætast.

Og þar hefurðu það!

Merkileg staðreynd:

Það líður ekki sá dagur hér í vinnunni að það sé ekki einhver heima veikur/með veikt barn.

Samt erum við örfá.

Magnaður andskoti segi ég.

Þegar maður opnar tómatsósuflösku og gleymir að hrista hana, þá kemur alltaf fyrst svona þunnur vökvi (sennilega vatn) út úr henni áður en sjálf tómatsósan sprautast á diskinn/p"u"lsuna/hamborgarann.

Þetta fer alvarlega í taugarnar á mér. Gerðist áðan þegar ég var að fá mér hádegismat hérna í mötuneytinu. Eyðilagði alveg fyrir mér daginn.

Ljóst er að fyrri tilgerðarlegum stíl hefur verið fleygt fyrir róða.

Við sambýlingarnir héldum annars til Kaupmannahafnar í gær, höfðum það svo dejligt þar og renndum síðan í hlað hér heima í eftirmiðdaginn. Um var að ræða vinnuferð hjá sambýlismanninum og fékk ég að fljóta með. Þótti þessi tilhögun einkar sérstæð þar sem ekki virðist það gerast svo oft að mökum sé boðið að taka þátt í skemmtiferð sem þessari.

Fyrst var haldið á Reykjavíkurflugvöll, hvaðan flogið var til Kastrup. Þar var hópnum skipt í tvennt; vinnumenn fóru á vinnufund, makar fóru á Strikið alræmda. Verslun var með afbrigðum góð, sé einingin kr/klst notuð til viðmiðunar. Síðan var haldið í hlöðu nokkra þar sem boðið var til borðhalds. Þar var bryddað upp á ýmsum skemmting, m.a. ógleymanlegum leik sem kenndur er við Köngulóarmanninn, eða Spiderman. Mjög skemmtilegt.

Síðan var strikið tekið á "Vega" þar sem Sálin hélt útgáfutónleika. Þar var eingöngu íslenska gesti að finna og hittum við marga gamla og góða vini og kunningja. Alveg meiriháttar gaman.

Í morgun var svo haldið heim og lent í Reykjavík. Sem var algjör snilld.

Nú stendur hins vegar til að halda trausti við danskt þema helgarinnar og fylgjast með Hallgrími Erni og félögum í "Örnen" leysa glæpamál.

På gjensyn!

Ég var aldrei á leikskóla ...

nú get ég hins vegar sennilega sagt að ég hafi prófað það.

Síminn minn borðar peninga.